Kahandaan, disiplina, at kaligtasan โ ito ang sentro ng isinagawang Gun Safety and Firearms Proficiency Training ng Philippine Ports Authority โ Port Management Office ng Agusan noong Hulyo 4, 2025, kung saan nagsanay ang mga port police at security personnel sa tamang paggamit ng armas bilang tugon sa patuloy na pangangailangan para sa mas matibay na seguridad sa pantalan.
Pinangunahan ang programa ng Port Police Division, katuwang ang Advance Forces Security and Investigation Services, Inc. (AFSISI). Bilang pangunahing tagapagsalita at instruktor, ibinahagi ni Ret. P/Major Ronaldo V. โBingโ Plaza ang tatlong mahahalagang paksa kabilang ang Range Etiquette, Rules of Gun Safety, at Fundamentals of Marksmanship.
Layunin ng pagsasanay na palawakin ang kaalaman at kasanayan ng mga Port Police Officers at Security Guards sa disiplinadong paghawak ng armas, matiyak ang kaligtasan ng sarili at kapwa, at hasain ang teknikal na kakayahan sa pag-asinta at pangangalaga ng baril.
Nagkaroon din ng live-fire drills sa supervised firing range upang maipamalas ang mga natutunan, sa ilalim ng mapanuring gabay ng mga instruktor mula sa Port Police Division. Nagbigay ng agarang feedback ang mga instruktor sa bawat kalahok upang masiguro ang tuloy-tuloy na pag-angat ng antas ng kasanayan.
Pinuri ni Acting Port Manager Atty. Kahlil L. Lamigo ang Port Police sa kanilang inisyatiba, at binigyang-diin na ang regular at sistematikong pagsasanay ay haligi ng pangangalaga sa pantalan, lalo na sa mga estratehikong lugar kung saan dumaragsa ang kargamento at pasahero.
Sa pamamagitan ng mga ganitong programa, nananatiling nakaantabay ang PPA PMO Agusan sa misyon nitong panatilihing ligtas, maayos, at handa ang pantalan laban sa anumang banta.
โ๐บ๐ ๐๐๐๐๐๐๐๐๐๐๐๐ ๐ท๐๐๐๐๐๐๐, ๐๐๐๐๐๐๐ ๐๐๐ ๐๐๐๐๐.โ
Facebook: @portsauthorityph
X: @ph_ports
Youtube:@ph_ports
Instagram:@ph_ports
Tiktok: @ph_ports