Bilang bahagi ng pagpapabuti ng kalinisan, kaayusan, at kahusayan sa trabaho, matagumpay na isinagawa ng PMO Agusan, sa pangunguna ng Administrative Services Division, ang isang orientation ukol sa 7S of Good Housekeeping noong ika-27 ng Setyembre, 2024 sa PMO Multipurpose Hall. Dinaluhan ito ng 45 empleyado mula sa iba’t ibang dibisyon ng PMO.
Ang resource speaker na si Marites G. Lumasag, isang instruktor mula sa Northern Mindanao School of Fisheries (NMSF) sa Buenavista, Agusan del Norte, ay nagturo ng mga prinsipyo ng 7S, kabilang ang pagsusuri at pagtanggal ng mga hindi kinakailangang bagay, maayos na pag-aayos ng mga kagamitan upang madali itong mahanap at magamit, pagpapanatili ng kalinisan sa lugar ng trabaho, at pagpapaunlad ng disiplina upang patuloy na mapanatili ang mga sistemang naipatupad. Binigyang-diin din ang importansiya ng kaligtasan at seguridad sa trabaho.
Ang PMO Agusan ay patuloy na nagpapalaganap ng mga programang tulad ng 7S orientation upang mapanatili ang mataas na pamantayan ng serbisyong publiko at kasabay nito, mapabuti ang kondisyon ng kapaligiran ng mga empleyado.
P-agbangon
P-ag-unlad
A-bot tanaw
โSa progresibong Pantalan, aasenso ang bayanโ
Facebook: @portsauthorityph
X: @ph_ports
YouTube: @ph_ports
Instagram: @ph_ports
TikTok: @ph_ports